Өлең, жыр, ақындар

Жылқышы әні

  • 25.05.2019
  • 0
  • 0
  • 2067
Күнде ерке қыз тұрасың таң қарсы алып,
Жылқы өргізем сол кезде мен ән салып.
Таң емес қой оятқан, менің әнім
Жасырсаң да қалдым-ау, тез аңғарып.
Жақсы өмірдің жүзі емей
Жаз да атқан таңым не?
Кел ұялып, бөгелмей
Қосыл, құрбым, әніме.
Сен егіннен қайтқанда түс кезінде,
Шыныңды айтшы, көзіңе түспедім бе?
Қарап ең ғой бір емес, бірнеше рет.
Қара қырдан жылқы айдап түскенімде.
Енбек, ойын-күлкі емей.
Жақсы өмірдің сәні не?
Жүрегіңді бүркемей
Жақындай түс әлі де.
Кешкі сауық клубта қызған шақта,
Қайдан кетсін жігіттен қыз аулаққа.
Қандай қызық теңіздің бетіңдей би,
Қыз бер жақта қалғанда, біз аржақта.
Жақсы отың бар көзіңде,
Кел, жанымыз табыссын!
Манағыдан өзің де
Жақын келіп қалыпсың!



Пікірлер (0)

Пікір қалдырыңыз

Ол да осындай түн еді

  • 0
  • 0

Ауада аз діріл бар
Жел елшісі секілді.
Ақ жібектей бұлт шетін
Анда-санда желпиді.

Толық

Батыр бақыты

  • 0
  • 0

Сан батырлар cap садағын мөңіреткен,
Азаттықты талмай іздеп жер-көктен,
Күнге қақтап күнде найза саптаған,
Тұлпарларын ақ сабын ғып терлеткен.

Толық

Өзбек досыма

  • 0
  • 0

Өзіңмен тел еміп өстім Сырды мен,
Бірге бастым Мырза шөлдей қырды мен,
Мәңгі-бақи құшақтасып жатсын деп,
Жайған өзі табиғаттың бір кілем.

Толық