Өлең, жыр, ақындар

Құрбанғали молдаға

  • 29.05.2019
  • 0
  • 0
  • 1387
Болғанмен асылың адам, ая Құрбан,
Есексің ес, ақылың тіпті құрыған.
Еткен соң осынша еңбек ескеріп Хақ,
"Ілім" атты иініңе тақты тұрман.
Суретің соныңменен саф көрініп,
Жалынды жас балалар жайып Құран:
"Бұларға болсын ермек бұл мәгәс", - деп,
Кеңесті кәді құдалар мұнда тұрған.
"Мен мұнша мәртебені таптым-ау!" - деп,
Сәлде орап, шыт шапанды кидің сырған.
Итке ұқсап өлімтікті тартқылаған,
Етесің стол мініп ырғаң-ырғаң.
Артықтау өзіңнен де осы уақыт,
Тәліп көп, түйе, жылқы жұрттан жырған.
Көрсе олар бірін-бірі құшақтасып,
Басысар мауқын әбден, тұрып бір ән.
Олардан сен азамат танымайсың,
Сарт, сірә, шамалаймын, көзіңді ұрған!
Басында бұл әдетің тұра берсе,
Қалайда аузыңнан келер бір қан!
Қор тұтып қатарыңды, қадір, құрмет,
Таппайсың, болғанменен асылың нұрдан.

1910



Пікірлер (0)

Пікір қалдырыңыз

Түрмеде

  • 0
  • 0

Хат жаздым халық басқарған балаларға,
Тұс-тұсқа тұрған соң көп бара аларға.
"Алысқа ауып табан кете ме?" - деп,
Қауіп кірді бұл жиылған қараларға.

Толық

Үш бәңқор хикаясы

  • 0
  • 0

Үш бәңқор отыр еді тамақ жесіп,
Құйқалы қой етіне қолды көсіп.
Сипалап сақал, мұртты сыбап майға,
Кәйіп етіп, күліп-ойнап желдей есіп.

Толық

Қадамың құтты болсын, Кеңес аға

  • 0
  • 0

Қадамың құтты болсын, Кеңес аға,
Ренжу ешкім саған емес аға.
Тең тұрып таразыдай тәрбие еттің,
"Ауыштың", - дұшпаның да демес аға.

Толық