Алтынгүлге

(Құрдасының атынан жазып берген)

Көп сәлем көрмесем де, Алтынгүлге,
Өзіндей кім қызықпас гәуһар, дүрге.
Орнығып ойыма ышқым алғаннан соң,
Сөйлесем түспей тұрмайды атың тілге.
Қалыңнан қаптап жанған өрт сияқты,
Түрің бар түсіретін неме түрге.
Сондықтан саған шырақ өтінемін,
Сөйлессек қайтер еді деп бір түн бірге.
"Сәті бар сәлемнің де" - дегендей-ақ,
Болып тұр қосылғандай қоныс, ірге.
1921.

---