Байдашов Асқарға айтқаны

Сәлем берсең әрқашан,
Саламат бол, шырағым.
Болғаннан соң бастасым,
Байдашты талай сұрадым.
"Уақыты қош" деген соң,
Бекіді көңіл бұраным.
Құтты болсын, қолға алып,
Осы ұстаған ұраның.
Алтайысы арам, қор,
Қарақұм мен Нұраның.
Алып бер деп соларды,
Ұшырып тұр Үкімет,
Өздеріңдей қыранын.
Қалайда да құтылмас,
Тығылған менен түбіне,
Індігеш пенен жыраның.
Қиянатты қойдырып,
Көптің көзін ашқанға,
Таңданам да тұрамын.
Өнеге-үлгі болсын деп,
От басында отырып,
Дүкенін сөздің құрамын.
Қалағаныңды жазып ал,
Қалам, сия, тетрадь,
Бола қойса құралың.

1930.

---