Өлең, жыр, ақындар

Бас қайда болса – онда аяқ бар...

  • 01.06.2019
  • 0
  • 0
  • 2550
Бас қайда болса – онда аяқ бар,
Сүрінген жығылып тояттар.
Бұл жерден басталса тіршілік
Ол жерден сапарын аяқтар.

Күн қайда болса – онда көлеңке,
Сен сылбыр болсаң, ал мен ерке;
Ей, өмір, бұл-дағы өз заңың
Кейде Үкі қыранға теңелсе.

«Екі көз – соқырдың тілегі» –
Ол жылап, бұл оған күледі.
Күлкі ғой!.. күлкінің қадірін
Тек қана қайғылы біледі.

Жел қайда – сонда шөп ырғалар,
Көл қайда – құс айтар бір хабар –
Ей, өмір, бәрі де өз заңың,
Бәрі де сен өткен жылғалар.

Жол қайда болса – онда жүргеннің
Іздері қаларын білгенмін...
Өмір-ау, осынша көп заңға
Қай кезде қол қойып үлгердің?!



Пікірлер (0)

Пікір қалдырыңыз

Сол бір кеш тілге келгенде...

  • 0
  • 0

...Сол бір кеш тілге келгенде
Сертіңді сезгем мен сенің.
Кемесі – сенім кеудемде,
Көтерші, бақыт желкенін!

Толық

Түн. Тымырсық, тымық түн...

  • 0
  • 0

Түн. Тымырсық, тымық түн,
Сыбдырға – сырына құнықтым.
Шайқаған талдың жас бұтағын,
Самалын, самалын жұтамын.

Толық

Баурай бұлты жаңа көшті баяулап...

  • 0
  • 0

Баурай бұлты жаңа көшті баяулап,
Медеу-сайдан самал есті жаяулап.
Көкжиекке барып қапты Ай аунап,
Осы бір кез, осы бір шақ аяулы-ақ.

Толық

Қарап көріңіз