Қара өлеңнің хандығы – Анар Шамшадинова

Бұл бетте «Қара өлеңнің хандығы» атты Анар Шамшадинова жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 03.06.2019
  • 0
  • 0
  • 1582
Бақыт қайда? Дауысым қайдалаған,
Бәлкім, барып қайттым да қасына мың.
Алатаудың ақ төсін аймалаған
Қара түннің тығылып шашына мұң.
Сағынышты шыдамға сағалаттым,
Бәлкім, бақыт шабыт боп желбіреді.
Сілекейі шұбырып қанағаттың,
Шодыр бұлтқа ағаштар телміреді.
Арзан бақыт жоғалды, талайы кеп,
Ақылымды ашуым тергемейді.
«Құлың болып, қаласаң қалайын» - де п,
Ақ жаңбырға көк жусан еркелейді.
Үміт өліп тағдырдың табағында,
Сонда жаман пиғылдар шырайланып.
Бар бақытты теңіздің қабағында,
Кете алмайды шағала шыр айналып.
Ертегіңді ерітпес тамамда елес,
Ләззаты өмірдің сандығында,
Қоғамда емес, адамда, заманда емес,
Бар бақытым — қара өлең хандығында!..


Пікірлер (0)

Пікір қалдырыңыз

Жиі қойылатын сұрақтар

Қара өлеңнің хандығы өлеңінің авторы кім?

Анар Шамшадинова — осы өлеңнің авторы.

Қара өлеңнің хандығы өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Қара өлеңнің хандығы өлеңі не туралы?

Бұл өлеңде Анар Шамшадинова өз ойы мен сезімін көркем түрде жеткізеді.

Қара өлеңнің хандығы өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері