Өлең, жыр, ақындар

Төле би

  • 07.06.2019
  • 0
  • 0
  • 9718
Қара қылды қақ жарып,
Әділдіктен нұр жағып.
Ынтымаққа жар салып,
Имандықтан сый тартып,
Кемелдікпен жаңартып,
Қазақтың байтақ жеріне,
Шамшырақ болған жап-жарық.
Үлгі болған ұлы ісі,
Ұлылардың ұлысы,
Ақиқаттың тынысы,
Тәңір өзі сый қылған,
Ел намысын ту қылған,
Ақиқаттың қылышы,
Асқақ рухы дем берген,
Алты Алаштың ырысы.
Таңдай қаққан адамзат,
Күллі Шығыс барысы,
Даналықпен ой тербеп,
Жақындатып алысты,
Көптен алған алғысты!
Биік біткен өресі,
Жер- Ананың төресі
О, Төле-би жан-бабам,
Өзіңе жырын жолдаған.
Қос құлынын жетектеп,
Жылойдан келді бір балаң.
Қабыл болып тілектер,
Лапылдап жанып жүректер,
Арманға қанат сермесін,
Рухыңмен жебеп, медет бер!



Пікірлер (0)

Пікір қалдырыңыз

Мен

  • 0
  • 0

Кең Жылыойдай тұғырым – бағым барда,
Жүрек отым – ана тіл,үнім барда,
Бабалардың киелі өсиетін,
Жеткізбеуге ұрпаққа қақым бар ма?

Толық

Тұтқынға түскен фельдмаршал

  • 0
  • 0

Бет қаратпас долы боран гуілдеп,
Құтырынған, сақылдаған сары аяз.
Қиян – кескі соғыс жатыр гүрілдеп,
Қарқылдаған кәрі қарға қанға мәз.

Толық

Қорқыт баба

  • 0
  • 0

Желмаясын желдіртіп,
Жері қалмай кезбеген.
Арып-ашып жең жыртып,
Жер ұйығын іздеген.

Толық