Нұрым ата басында – Лұқпан Сисекенұлы

Бұл бетте «Нұрым ата басында» атты Лұқпан Сисекенұлы жазған ата туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

  • 07.06.2019
  • 0
  • 0
  • 1544
Осы жерме Топырақ шашты дегенің,
Нұрым атам оқып соңғы өлеңін.
Көкжиекке қимастықпен көз тастап,
Тіліп өткен сұм ажалдың түнегін.
Нұр толтырып құшағына талмастан,
Ғасырлардың үні болып жалғасқан.
Қайран ақын жан дауысың жанымда,
Ұрпағына ұран болып жол ашқан.
Көзсіздерге көз болғансың кезінде,
Сөзсіздерге сөз болғансың сезімге.
Ханнан асып қараңғыда таң болып,
Айналғансың алтын күннің өзіне.
Ақпа жырын шашу қылып ақылдың,
Небір таңды көз ілместен атырдың.
Шежіремді сыйға тарттың күмбірлеп,
Тіл ұшында зары болып халқымның.!
Тоғыз ауыл тоқсан торап жолында,
Негіз болған сенің асқақ жырыңа.
Күйкентаудан үн тастайды дауыстап,
Аңызақта айналғандай жалынға.
Самал желдер сол үніңді қайталап,
Өткен күннен сыр шертеді ой толғап.
Құба жонда батырлардың зираты,
Ұран салар біз куә деп, айхайлап.!
Ер жігіттің ары болған толғауың,
Қайран баба гүлге біткен балдайын.
Жырдан арнап құранымды бағыштап,
Топырағыңа кие жұқсын аунайын!
Жоғалмасқа күмбез соғып басыңа,
Жайсаңдарды серік қылған қасына.
Шияпұлы Ибрагимдей ұлыңның,
Қолтаңбасы ой салады осында!
Жайсаңдар ғой ұрпақтары Қосайдың,
Жомарттығын қалай жырға қоспайын.
Ойлай білген бірлікпенен елдікті,
Ізгі ісінің жалау қылдым бастауын!


Пікірлер (0)

Пікір қалдырыңыз

Жиі қойылатын сұрақтар

Нұрым ата басында өлеңінің авторы кім?

Лұқпан Сисекенұлы — осы өлеңнің авторы.

Нұрым ата басында өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Нұрым ата басында өлеңі не туралы?

Бұл шығарма ата туралы өлең ретінде танымал. Өлеңде автор өз ойын көркем түрде жеткізеді.

Нұрым ата басында өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері