Өлең, жыр, ақындар

Шотан батыр баба үні

  • 08.06.2019
  • 0
  • 0
  • 1765
Жырлай білген шексіз-шетсіз даламды,
Кел, кел бермен еркін ойдың ұланы.
Көкте ойнаған нажағайдан от алып,
Ер Қосай мен Бекет болған ұраны!
Құшақ ашық сен дегенде құлыным,
Жалғасы сен менің ерлік жырымның.
Қандарыңда бізден сіңген тектілік,
Жоғалтпасын қасиетті ғұмырын.
Дақ түспесін баба рухы Адайға,
Жамандықты жолатпаңдар маңайға.
Қайсарлықты үлгі еткенбіз сендерге,
Ер болсын-деп, жалбарынып Құдайға!
Қан майданда кешіп отты жалынды,
Елім үшін қиып жастық шағымды.
Жеткізсек-деп, азаттықтың ақ таңын,
Сендер үшін төккенмін мен қанымды.
Ұмытпасаң намыс-бірлік әніңді,
Ұрпақтарым бақыт құшар бәріңді.
Жайнай берсін келер жарқын күндерің,
Әділеттен айырмасын төріңді!
Құламасын дана Қаратауларың,
Дарытпасын қайғы деген кәріңді!



Пікірлер (0)

Пікір қалдырыңыз

Ұлытау

  • 0
  • 0

О, Ұлытау - қазағымның бесігі,
Сенде түзеп бабаларым көшімді.
Жау төнгенде қара бұлттай жан–жақтан,
Қалқан қылған оқ өтпейтін төсіңді.

Толық

Назар әулие баба үні

  • 0
  • 0

Сан ағылтып жүректің жыр моншағын,
Бастауыңды іздесең құлыншағым.
Ол өзіңнің туған жер бесігіңде,
Анаң болып айқарған кең құшағын.

Толық

Ер Қосай, ұрпақтарының әні

  • 0
  • 0

Қара дауыл қыспаққа алып қаптаған
Туған елдің от салғанда төсіне.
Жорықтары Қосай бабам бастаған,
Нар халқымның әлі мәңгі есінде.

Толық

Қарап көріңіз