Сапарғали Бегалин

Кездестім неге мен саған

Бұл бетте «Кездестім неге мен саған» атты Сапарғали Бегалин жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

12.06.2019
0
0
1632

Кездестім неге мен саған,
Тарттың сен неге бойыңа?..
Өшпейтін арман сен маған,
Орнаттың мәңгі ойыма.
Өзгерттің неге түсінді,
Балқытып мұзын жүректің,
Жаныма жара түсірді,
Орайы келмей тілектің.
Жастық шақ емес жараның
Зардабы дақсыз жетілер.
Сағаттап еске алармын
Емеспін ойдан кетірер.
Орайсыз арман орнады,
Қайткенде шыдап төзермін,
Есімде сөзің сондағы,
Қалайша күдер үзермін.
Ауырламас ем аузыңнан
Естісем кескен жазаңды,
Көрер ем бәрін өзімнен
Алмас еді арман мазамды.
1936.
***
Күнде бір қолға аламын
Алыстан келген хатыңды,
Басамын көңіл алаңын,
Көргенде хаттан атынды.
Жазыпсың айқын Аниш деп
Құрметтеп менің сөзімді,
Ойласам да ара алыс деп
Көргендей болам өзіңді.
Барған сайын алысамын ойменен,
Түссіз у ғой түсінгенге ой деген.
Өткен елес сол бір сәтті сағынып,
Тұншықтырып әкетеді ой терең

Сапарғали Бегалин кездестім неге мен саған Сапарғали Бегалин өлеңдері

Пікірлер (0)

Пікір қалдырыңыз

Жиі қойылатын сұрақтар