Арыстан мен бұқа – Ескен Елубаев

Бұл бетте «Арыстан мен бұқа» атты Ескен Елубаев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 27.06.2019
  • 0
  • 0
  • 3543
Өрістегі бұқаны
Көзі шалып алыстан,
Тасалап шөп, бұтаны
Атылды оған арыстан.

Арыстанға ет керек,
Талқандайтын азуы.
Ал бұқаға шөп – қорек,
Жайылымда азығы.

Бұқа да алып,
Тектен-тек
Берілмейді ол жайдан-ды,
Арыстанмен жекпе-жек
Бастады ұзақ майданды.

Тайыншадай арыстан,
Бұқада күш орасан,
Екеуіне алысқан
Қорқынышты қарасаң!

Жеңсе арыстан бұқаны,
Малдың ірі алыбын,
Етін жұлқып жұтады,
Тойдырмақшы қарынын.

Бұқа алысты өлмеске,
Қалу үшін жаны аман.
Арыстанды ол жемес те,
Керек емес қаны оған...

Құлады олар қалжырап,
Күш-қайраты тең еді.
Өлді екеуі қансырап
Жеңілмеді,
Жеңбеді...

Өзі келіп ұрынған,
Арыстанға обал жоқ.
Жыртқыш аң ғой бұрыннан,
Жан ашымас оған көп.

Арыстанға азық боп,
Құламаған домалап
Ал бұқада жазық жоқ,
Әттең, тіпті обал-ақ...


Пікірлер (0)

Пікір қалдырыңыз

Жиі қойылатын сұрақтар

Арыстан мен бұқа өлеңінің авторы кім?

Ескен Елубаев — осы өлеңнің авторы.

Арыстан мен бұқа өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Арыстан мен бұқа өлеңі не туралы?

Бұл өлеңде Ескен Елубаев өз ойы мен сезімін көркем түрде жеткізеді.

Арыстан мен бұқа өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері