Абдрахман Асылбек

Айналайын туған жер

Бұл бетте «Айналайын туған жер» атты Абдрахман Асылбек жазған туған жер туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

28.07.2019
0
0
6487

Әнін жазған Әліби Әбдінұр

Сағынышым, аяулым, асыл әнім,
Туған жер деп ән салсам, ашыламын.
Кетсем шалғай кей кезде құстай ұшып,
Мен өзіңе жеткенше асығамын.

Қайырмасы:
Айналайын туған жер,
Таң-тамаша думанды ел.
Құлағыма әсем әуен құйған ел.
Туған жерім – таңымсың,
Жан тербеген әнімсің,
Туған елім.

Келе сала оранып құрағыңа,
Шомыламын мөп-мөлдір бұлағыңа.
Құрбылардың сыңғырлы күлкілері
Құйылады күй болып құлағыма.

Қайырмасы.

Жаңа туған жас бала, кәріміз де
Туған жерден нәр алдық бәріміз де.
Туған жердің төрінде думандатып,
Той тойласақ жарасар әніміз де.

Қайырмасы.

Абдрахман Асылбек туған жер айналайын туған жер Абдрахман Асылбек өлеңдері

Пікірлер (0)

Пікір қалдырыңыз

Жиі қойылатын сұрақтар