Өлең, жыр, ақындар

Махаббатым – әнім

  • 28.07.2019
  • 0
  • 0
  • 2661
Әнін жазған Ренат Ғайсин

Махаббат – әсем әнім менің,
Әсем әнім менің – махаббат.
Қарақат көздеріңнен сенің
Шашылады шуақ шапағат,
Махаббат – әсем әнім менің.
Қиялымсың,
Күй-әнімсің.
Шыңдағы дара
Шалқыған шынарымсың.

Қайырмасы:
Арайлы алтын таңдарда
Сенен артық жан бар ма?
Аяулым менің,
Арайлым менің
Айналдың ән-арманға.

Мынау алтын таңдарда
Сенен артық жан бар ма?
Аяулым, әнім,
Асылым, жарым,
Айналдың ән арманға.
Арманымсың,
Жан жарымсың
Жалғанда.

Сен ғана – махаббатым әнім,
Махаббатым әнім – сен ғана.
Қызықты өмірімнің мәнін
Сен деп ұқтым, жаным, мен жаңа,
Сен ғана – махаббатым әнім.
Тебірендім,
Емірендім.
Өмірлік сенің
Әнің боп төгілемін.

Қайырмасы:

Мынау алтын таңдарда
Сенен артық жан бар ма?
Аяулым, әнім,
Асылым, жарым,
Айналдың ән-арманға.
Арманымсың,
Жан жарымсың
Жалғанда.



Пікірлер (0)

Пікір қалдырыңыз

Жүрші, сәулем, ауылға

  • 0
  • 0

Ауыл – әппақ арманым,
Ауыл – әппақ таңдарым.
Бір жасарып қаласың,
Көрсең алтын,

Толық

Қазағымның тойлары-ай

  • 0
  • 0

Қазағымның жайлауына қара,
Тауларының қойнауына қара.
Соншалықты сұлулыққа толы,
Таң-тамаша тойларына қара.

Толық

Басшы піл

  • 0
  • 0

Болғанымен күшті кім,
Болса, бірақ, санасыз,
Әрі жұмсақ мінезді – бәлеге одан қаласыз.
Келді орманға басшы болып күшті Піл.

Толық

Қарап көріңіз

Басқа да жазбалар