Өлең, жыр, ақындар

Демалыс

  • 10.08.2019
  • 0
  • 0
  • 1496
Көптен көріспеген,
Бөтелке бөліспеген
Екі дос түйісе кетті,
Құшақтасып, сүйісе кетті:
– Уа, достым, хал қалай?
– Әр күндері әрқалай.
Тынысты бір кең алып,
Жүрмін қазір демалып.
– Е, дұрыс,
Онда не тұрыс?
Кеттік, әйда!
– Қайда?
– Кафеге барамыз,
Бір жартыны қағамыз.
– Айта көрме ондайды,
Қазір маған болмайды.
– Демалып жүріп ішпесең,
Не құясың ішке сен?
– «Демалыс» деп ойнап ем,
Ішкілікті қонған ем.
– Қашан?
– Кеше.
– Ендеше,
Бүгін ішсең не етеді?
Ертең қойсаң да жетеді.
Достың көңлі бос екен,
Күткені де осы екен.
Екеуі жүріп кетті,
Кафеге кіріп кетті.


Пікірлер (0)

Пікір қалдырыңыз

Қиядан қыстағыңа қарап келем

  • 0
  • 0

Қиядан қыстағыңа қарап келем,
Қашқалы қанша уақыт тағат менен.
Қасыңа қас қағымда-ақ барар едім
Қағатын болса ұшқыр қанат деген.

Толық

Алыста сенің тұрағың

  • 0
  • 0

Алыста сенің тұрағың,
Көрмедем, қалқам, көп айлар.
Жайқалтып жасыл құрағын,
Жапырақ жайды тоғайлар.

Толық

Ағынан ақтарылып

  • 0
  • 0

Ашығын айтар болсам сыр жасырмай,
Мінезім мөлдір бұлақ жылғасындай.
Шапқылап ағып келем ақ бұлақ боп,
Аптығым әлі күнге бір басылмай.

Толық