Өлең, жыр, ақындар

Вальс

  • 29.07.2019
  • 0
  • 0
  • 4769
Ойналда кенет толқынды вальс,
Қасымда менің болмады таныс.
Жалғаздан-жалғыз бір өзім шетте
Отыра бердім қадалып көпке.
Қабысқан құшақ – қыз бенен жігіт,
Балаға ұсап, жадырай күліп,
Толқында жүрген қалтқыша қалқып,
Тербеліп бимен, барады балқып.
Тоқиды көңіл, толқиды вальс,
Күлкісіз, үнсіз отырмын жалғыз.
Жайдары жандар өзімен-өзі,
Түспеді маған ешкімнің көзі.
Қайтпақ боп енді қозғалған шақта,
Көрдім ғой сені екнші жақта.
Дуалға жеке сүйеніп тұрдың,
Ойымды бірден өзіңе бұрдың.
Тағы та таныс ойналды вальс,
Самғады қиял шарықтап алыс.
Бата алмай біраз тұрдым да қарап,
Жақындап бардым – таппадым тағат.
Шақырдым биге ізетті леппен,
Қолыңды бердің, қақпадың беттен.
Жалындап жүрек, ырғалып еппен,
Дөңгелеп кеттік көңілді көппен...



Пікірлер (0)

Пікір қалдырыңыз

Шал, бала және есек

  • 0
  • 0

Еңбегімен күн кешіп,
Шал мен бала мінгесіп,
Жүрген еді есекпен,
Жұрт қарады кім десіп.

Толық

Сурет

  • 0
  • 0

Мені көріп алыстан,
Бір топ бала жүгірді.
Сол бетімен жарысқан
Мені қоршап үлгірді.

Толық

Көкбұлақтың қойнауы

  • 0
  • 0

Көкбұлақтың қойнауы
Жерұйықты жер екен.
Таусылмайтын тойлауы,
Тамашалы ел екен.

Толық

Қарап көріңіз