Өлең, жыр, ақындар

Біздің күрес

  • 30.07.2019
  • 0
  • 0
  • 1997
Мынау өмір күрестерден құралған,
Күрестермен орындалған ұлы арман.
Қан төгілген топырақтан – құнардан
Қызғалдақтар бойын түзеп, бұралған.
Күреспенен өткен батыр бабалар,
Күреспенен өткен асыл ағалар.
Жеңістердің желбіреген желегі –
Бүгінгі бар бақытты ұрпақ – балалар.
Күрес, күрес көз ілместен сәтке бір,
Күрестермен тамсандырған тәтті өмір.
Талай боздақ ағып түсіп жұлдыз боп,
Қимастықпен киіп кеткен ақ кебін.
Біздің күрес ол күрестен басқалау:
Жолдар жасау, үйлер салу, тас қалау.
Мылтық атып, құс құлатса әлдекім,
Одан артық болмақ емес басқа жау.
Біздің күрес жүріп жатыр тынбастан –
Әсем әуен, үндестік пен жыр-дастан.
Самаладай сансыз қала оттары,
Төбемізде төңкерілген түнгі аспан.
Біздің күрес – жеңістерге құштарлық,
Болмақ емес онда күндеу, іштарлық.
Керенаулық, бойкүйездік, босаңдық –
Бұл дәуірде барып тұрған дұшпандық.
Біздің күрес – жүйріктік пен ерендік,
Біздің күрес – биіктік пен тереңдік.
Ер атандық, еңбекпенен елендік,
Күрестермен бақыттарға кенелдік.



Пікірлер (0)

Пікір қалдырыңыз

Ақ лақ

  • 0
  • 0

Күні бойы, ақ лақ,
Мазаланба маңырап.
Сағындың ба енеңді,
Кешке келер ол енді.

Толық

Ақмарал

  • 0
  • 0

Ойлап жүрем өзіңді күніменен,
Көз алдымнан кетпейсің түніменен.
Түсіме де сені жиі көрем,
Түсіндірем, жаным, мұны немен?

Толық

Сорым ба, әлде бағым ба

  • 0
  • 0

Сорым ба, әлде бағым ба,
Шауқар тартқан шағымда,
Өзіңді көріп өзгердім,
Айналып бұлдыр сағымға.

Толық

Қарап көріңіз