Өлең, жыр, ақындар

Димекең туралы ән

  • admin
  • 01.09.2024
  • 0
  • 0
  • 747
Тағдырың да тамырлас сүйікті елмен,
Көрініпсің кіл ғана биіктерден.
Құдай өзі кеңдікті, кемелдікті
Бір басыңа аямай үйіп берген.

Даңғылына айналып, дабылына
Даналықпен танылдың бар ұлыға.
Ақылыңның өзін де ара-тұра
Жеңдіріпсің кемеңгер сабырыңа.

Қайырмасы:
Ақылдың асыл қайнары,
Қазағымның айбары.
Теміріндей төзімді,
Өміріндей жайдары
Ахметұлы Димекең
Қонай тегі жыр дастан
Жұмақта жаны жүр ме екен
Халқына көптеп нұр шашқан

Дос-дұшпаның таба алмай ісіңнен мін,
Әлгілердің алдында кішірмедің.
Өнерін де қазақтың өрге сүйреп,
Беделін де бір елі түсірмедің.

Жақындатып жұртыңның жарық таңын,
Қалықтадың биікте, жалықпадың.
Тереңіне бойлапсың дүниенің,
Қайда жүрсең ойлапсың халық қамын.

Қайырмасы



Пікірлер (0)

Пікір қалдырыңыз

Өзгеріп шыға келіп өмір бірден

  • 0
  • 0

Өзгеріп шыға келіп өмір бірден,
қалмады дейсің, қалқам, көңіл кімнен,
Әп-сәтте алабұртып төңірегім,
қаншама еңіредім,

Толық

Азамат деп жүргенім

  • 0
  • 0

Азамат деп жүргенім,
айырылса беделден,
Сен айтпасаң —
білмедім,—

Толық

Ғашық болған жоқ шығармын

  • 0
  • 0

Ғашық болған жоқ шығармын,
кешір мені, қылықтым,
солқылдаған көк шынардың
саясында тынықтым.

Толық

Қарап көріңіз