Өлең, жыр, ақындар

Баласымын қазақтың

  • admin
  • 31.08.2024
  • 0
  • 0
  • 150
Руға да бөлме мені, жүзге де,
Жершілдердің арасынан іздеме, –
Қазақ болып жаралдық қой бәріміз,
Қазақ болып қала алмаймыз біз неге?
Бір еді ғой өзегіміз, әніміз,
Салт пен сана, салтанат пен сәніміз,
Шығарадағы жаны басқа демесең,
Бір қазақтың баласы едік бәріміз.

Қайырмасы:
Бөлінбеген іргеміз,
Жаралағаннан біргеміз, –
Үйсін, Адай, Найман да,
Бірге кірдік майданға,
Бірге көшіп жүргенбіз
Сайын дала, сайларда
Ортақ еді еліміз,
Көліміз де шөліміз!
Бөлінердей бүгін кеп,
Жоқ еді ғой жөніміз!
Бөлінбейік ағайын,
Ортақ болсын төріміз!
Қазақстан дейтұғын
Қасиетті Еліміз!

Жауымыз да, дауымыз да бір еді,
Бір еді ғой барша қазақ тілегі.
Жүзге бөліп, із көнеріп баяғы,
Арамызға жік салғандар кім еді?!
Қазағымның қасиетті кейпі деп,
Бір арнаға тоғысатын ой-тілек.
Бір қазақты жүзге бөлген адамның,
Жүзі күйсін, жүзі күйсін дейтін ек!

Қайырмасы

Ала қойды бөле қырқып күніге,
Жүзге бөліп, жүгірмейік бүліне.
Бөлінбейік Жалайыр деп, Жаппал деп,
Қазақпыз ғой діні де бір, тілі де.
Аш арыстан ақырса да іргеңнен,
Тас түйін боп отырғанда кім жеңген.
Бір жағадан бас шығарып ендеше,
Қол шығара білейік те бір жеңнен!

Қайырмасы



Пікірлер (0)

Пікір қалдырыңыз

Туа біткен қандай көрік

  • 0
  • 0

Туа біткен қандай көрік,
тамсанумен құрғады үн.
Тамыздағы таңдай болып,
тамылжып-ақ тұрғаның!

Толық

Тас мүсіннің түбінде

  • 0
  • 0

Батырға балап өткен есер ұлын,
Қанекең сойы еді ғой кешегінің,
не дер ем тұтқиылдан тілге келіп:
"Қарағым, қалайсыңдар?" — десе бүгін.

Толық

Ішкенім де жегенім күшаладай

  • 0
  • 0

Ішкенім де жегенім күшаладай,
өмір еді неткен бұл құсаға бай,
атқылап-ақ жатқаны қайғы мен мұң,
қатар қойған қалқансыз нысанадай!...

Толық

Қарап көріңіз

Басқа да жазбалар