Өлең, жыр, ақындар

Тұңғыш рет сүйіскен қыздың сөзі

  • 28.05.2021
  • 0
  • 0
  • 666
— Кешір, жаным,— дей беріп ем,—
күттірсем!
Қатты қысып,
құшағыңа тықтың сен...
Аспан құлап бара жатты үстіме,..
құдай ұрсын,
содан кейін... түк білсем...
Алғаш рет ерінге ерін тигенде,
қарсыласар қалмады ма күй менде,—
қаным тасып ақты ма әлде бойдағы,
ақ төсіме батты ма әлде түймең де..
Қайда менің алаңғасар ақ таңым,
қалды есімде —
кілт үзіліп тәтті әнім,
әлдеқайда ағып қана, дүние-ай,
құшағыңда талып бара жатқаным!..
Ақылымнан адастым ба әлде мен,
осы ма еді шығардағы жан деген!—
Жұлдыз жиі аққан еді аспанда,
иіп бара жатқан еді бар денем...
Көзімді ашып алғанымда...
әлгі бір
қайта естіліп маңайдағы бар дүбір,
келегейлеп қасымдағы сені де,
көпке дейін басылмады...
сәл діріл...



Пікірлер (0)

Пікір қалдырыңыз

Ағаш

  • 0
  • 0

Маңайына ұнар бәлки, ұнамас,
күні жетсе — құлар бәлки, құламас,
жапан түзде
жапырағы жайқалып,

Толық

"Ақын деген көп қой!" дедің...

  • 0
  • 0

Нөкері бар,
мекері бар қостаған,
көрсеткісі келді ме әлде сес маған,
— Ақын деген көп қой бүгін! — деп қалды

Толық

Жау шықты ма, біле алмадым, іргеден

  • 0
  • 0

Жау шықты ма, біле алмадым, іргеден,
біле алмадым, қайда барып күн көрем,
жан-жағымды қарманумен қарашы
келе жатқан сияқтанам түнде мен.

Толық

Қарап көріңіз