Бір ой – Еркебұлан Серімханұлы

Алаңдарым-ғұмырым,армандарым,
Із қалдырып бейне ғып салғандарым!
Ой салады өткеннің елшілері,
Түйдіріп бір нәрсені амалдарым!

Өмір ұстаз үйретті маған бəрін,
Сабақ беріп сіңдірді көрген нəрін!
Салқындарды сиқырлап жылылатып,
Тағдырымның келтіріп берді сəнін!

Етіп мені белсенді һәр күндерде,
Дем үрледі жаратқан періштеме!
Қылдырғысы келеді кеуде еркім,
Мейрім салып жүректен жүректерге!

Көнбеймін құрсаулының өкіліне,
Жақ емеспін жаманның сеңгіріне.
Жақсылықтың жанымын жалау болған,
Жар боламын аққудың үкіміне...

Жар болайын аққудың үкіміне,
Деп ойлаймын бақыттың кілті кімде?!!
Бақыт үшін пенделер қылған талас,
Бәлкім маған бұйырар бағым күнде...

Тілек тілеп сұраймын жаратқаннан,
Жүрегіме беймаза күйді берме!
Алақанға салып бер аяулыны,
Мәңгілікке жай тапсын көңілімде!!!
Автор: Еркебұлан Серімханұлы