Сәкен Иманасов

Жауынгерлер жыры

Қазақша өлең мәтіні, өлең жолдары және толық нұсқасы.

admin
31.08.2024
0
0
440

Бабалар мақтаған,
Ағалар баптаған.
Отқа да оралып,
Суға да жүзгенбіз.
Жалған сөз айтпаған.
Жаудан бет қайтпаған.
Туған ел ұланы,
Қыраны біздерміз.

Қайырмасы:
Ұланы да біз,
Қыраны да біз.
Ел аузындағы
Ұраны да біз
Пырағы да біз
Шырағы да біз
Алысқа самғап шабатын,
Мәңгілік лаулап жанатын.

Жаңарған елді де,
Жасарған жерді де,
Енді тек біз қорғап,
Енді біз бастармыз.
Шетінен намыскер,
Қайратты ғарышкер,
Білімді, білекті,
Жүректі жастармыз.

Қайырмасы

Өрдеміз, төрдеміз,
Егемен елдеміз.
Туымыз желбіреп,
Желкілдеп гүліміз.
Құрыштай білекті,
Арыстан жүректі.
Тәуелсіз қазақтың,
Тәуелсіз ұлымыз.

Қайырмасы

Сәкен Иманасов жауынгер ұлан қыран жауынгерлер жыры Сәкен Иманасов өлеңдері

Пікірлер (0)

Пікір қалдырыңыз

Жиі қойылатын сұрақтар