Шипа – Абдрахман Асылбек

Бұл бетте «Шипа» атты Абдрахман Асылбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 29.07.2019
  • 0
  • 0
  • 2234
Мен бүгін бір адамды қуандырдым,
Сен-дағы серік болып қуан, құрбым.
Сол жанның жалын ойнап жанарында,
Көзінен ғайып болды буалдыр мұң.
Айықпас ауруға ол шалыныпты,
Қайғырып, уайымға салыныпты.
Дертіне дауа таппай,
Дәрігерге
Құтқар деп бұл бәледен, жалыныпты.
Дәрігер дәрі берген,
Аянбаған,
Аурудың асқынғанын баяндаған.
Өмірден күдер үзген сол пенденің
Болды тез мүшкіл халі аян маған.
Кеселі күдік пенен үрейде екен,
Екеуі екі жақтап ірейді екен.
Жаутаңдап жап-жас жігіт,
Жанға шипа
Боларлық жылы бір сөз тілейді екен.
Тап басып тамырынан,
Қуат бердім,
Жанына жадыраған шуақ бердім:
«Ешқандай кеселің жоқ,
Күдік қана,
Моюы мүмкін емес қуатты ердің!
Өмірдің ырғатылар бір гүлісің,
Көңілдің жырға құмар бұлбұлысың.
Құлпырып жайнайсың да, сайрайсың да,
Тірліктің баға жетпес бір күні үшін...»
Бойдағы бар күдігі былай қалып,
Сенімді сөздерімнен шын айналып,
Сол жанның жалын ойнап жанарында,
Дидары сала берді шырайланып.


Пікірлер (0)

Пікір қалдырыңыз

Жиі қойылатын сұрақтар

Шипа өлеңінің авторы кім?

Абдрахман Асылбек — осы өлеңнің авторы.

Шипа өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Шипа өлеңі не туралы?

Бұл өлеңде Абдрахман Асылбек өз ойы мен сезімін көркем түрде жеткізеді.

Шипа өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері