Өлең, жыр, ақындар

Таң

  • 30.07.2019
  • 0
  • 0
  • 1468
Шығыстан сәуле шашып таң келеді,
Тербетіп төсегінен жан денені.
Шырыдап шырқай ұшқан молдаторғай
Көңілге құйқылжыған ән береді.
Жайқалтып желектерін гүл бөбегі,
Көрініп көкжиектен күн келеді.
Оянып ұйқысынан ой менен қыр,
Ойыңды ойнақшыған үн бөледі.
Сыңғырап күміс күлкі қыр асады,
Сылдырап ерке бұлақ сыр ашады.
Айқай-шу, талас-тартыс, әсем әуен –
Бәрі кеп бір арнаға ұласады.
Жүректің жарып шығып асқақ әні,
Жаңғыртып әкетеді аспан әрі.
Аз ғана аялдан соң алға тартып,
Қайтадан қызу өмір басталады.



Пікірлер (0)

Пікір қалдырыңыз

Мансапқордың арманы

  • 0
  • 0

Болсамшы біреуге іні, біреуге аға,
Немесе бір мықтыға күйеу бала.
Мен сонда жалғызсырап жаутаңдамай,
Көрер ем қошемет пен сүйеу ғана.

Толық

Шыңға шықтым

  • 0
  • 0

Мен өзім табиғатқа шын ғашықпын,
Сол үшін көк тіреген шыңға шықтым.
Көзімді тарта берді күн шығыс жақ,
Білмеймін, кімге асықтым, кімге асықтым?

Толық

Махаббат – бал өмір

  • 0
  • 0

Көптен сағынған көктем келді де,
Қыс күні алмасты.
Күміс күлкіге кезек берді де,
Жас өмір жалғасты.

Толық