Көз алдымда бір бейне

Көз алдымда күлімдеген бір бейне,
Көк белдегі үлбіреген гүлдей ме?
Гүлге елітіп елжіреген жанымды
Сол бір сұлу білдеді ме, білмей ме?
Көз алдымда дірілдеген бір бейне,
Көктемдегі бұлбұл төккен үндей ме?
Үнге елітіп елжіреген жанымды
Сол бір сұлу біледі ме, білмей ме?
Көз алдымда көлбеңдеген бір бейне,
Тұнжыраған түн пердесін түрмей ме?
Құшағыма күнім болып кірмей ме?
Бақыт сыйлап, мәңгі бірге жүрмей ме?

---