Өлең, жыр, ақындар

Нар тұлға

  • 04.08.2019
  • 0
  • 0
  • 2363
Қазақтың алып тұлғасы,
Өлеңнің өрен тұнбасы –
Олжас тұр асу асқарда,
Шағылып күнге шың басы.
Салады көзін бөктерге,
Салады көзін шеттерге.
Зымыран жылдар жылыстап,
Япырау, жылдам өткен бе?
Ойлаушы едік ол жас деп,
Қатарда жүрген жолдас деп.
Кетіпті-ау шырқап тым биік,
Орданы бұзған Олжас боп.
Баласы болмай жалқының,
Саңқылдап әр күн жарқын үн,
Қағыпты-ау қанат қияға,
Перзенті болып халқының.
Шығыс та оны таныды,
Батыс та оны таныды.
Жұлдызға қадап жанарын,
Ойларын отпен жаныды.
Ақынның ойы терең-ді,
Ақынның ойы ерен-ді.
Шығарса шыңға өлеңді,
Тарихшы әрі ол енді.
Асырды атақ, даңқын да,
Мызғымас мәңгі нар тұлға.
Олжас тұр асқар асуда,
Баяғы жігіт қалпында.
Ақылды адам толмас па?
Алтынды таққа қонбас па?
Бір бала туса қазақтан,
Тусын да ұқсап Олжасқа.



Пікірлер (0)

Пікір қалдырыңыз

Наурыз шашу

  • 0
  • 1

Уа, жарандар, жарандар,
Наурыз келді, қараңдар.
Ұлы күнін ұлыстың
Жақсылыққа балаңдар.

Толық

Туған жердің алабы

  • 0
  • 0

Туған жердің алабы
Тұла бойды тербеген.
Серік болып самалы,
Желпіндірген желменен.

Толық

Ақшаны кім қалай табады?

  • 0
  • 0

Ақша табу оңай ма?
Керек оған он айла:
Біреу біреуді алдап табады,
Біреу жанын жалдап табады.

Толық