Өлең, жыр, ақындар

От жүрегім – тоғыз жолдың торабы

  • 05.08.2019
  • 0
  • 0
  • 2191
От жүрегім – тоғыз жолдың торабы,
Өткен-кеткен жолаушылар қонады.
Талайына деміккенде дем беріп,
Талайларын жылуымен орады.
Әне бір жас жолын жаңа бастаған,
Сырлары көп, қырлары көп баспаған.
Қиындық пен сәтсіздікті сезген жоқ,
Сондықтан да бақыттырақ басқадан.
Әне бір жан кірбің тартқан қабағын,
Тәбетімен ішпейді де тамағын.
Болмаған соң айқын мақсат, тілегі,
Аңырады білмей қайда барарын.
Әйтсе-дағы салыңқы сол жігітім
Болашақтан үзе алмайды үмітін.
Бір бекетке біразырақ аялдап,
Тағы да алға тарта бермек күні-түн.
Әне бір жан әлде неден қорыққан,
Қорыққан да трлігінен торыққан.
Сондықтан да тасқа тимей табаны,
Басы ауған жаққа қарай жорытқан.
Әне бір жан ән салады көңілді,
Ұғатұғын емес тіпті шеріңді.
Жолға шықса жолы болып тұрған соң,
Арманына жетеріне сенімді.
Жол үстінде жол дабылы қағылған,
Жолаушылар арлы-берлі ағылған.
Қарап жатпай, қимылдаған қыр асын,
Іздегені алдарынан табылған.
От жүрегім – тоғыз жолдың торабы,
Өткен-кеткен жолаушылар қонады.
Талайына деміккенде дем беріп,
Талайларын жылуымен орады.



Пікірлер (0)

Пікір қалдырыңыз

Сен деп жүрек бұлқынды

  • 0
  • 0

Сыңғыратып күй түрлі,
Шайдай аштың ұйқымды.
Келбетіңмен керемет
Сүйкімдісің, сүйкімді.

Толық

Көкірегіме керемет төгіп бір ән

  • 0
  • 0

Көкірегіме керемет төгіп бір ән,
Жүрегіммен жүзіңді көріп тұрам.
Ал, өзіңді көргенде, бойым балқып,
Қорғасындай оттағы еріп тұрам.

Толық

Құдалар

  • 0
  • 0

Құда деген бір ел бар Құдай қосқан,
Құдай қосқан, шырайға шырай қосқан.
Құдаларды Құдайдай күте алмасаң,
Қара жер де қайысып, құлайды аспан.

Толық

Қарап көріңіз