Ғашықпын

Ғашықпын

Шүкір Алла өзіне жолықтырған,
Нәр бердің ғой сезімге солып тұрған.
Махаббатсыз дүние бос деген сөзді,
Жарқыным-ау өзінсің шын ұқтырған.

Толқын тулап айналып ғашықтыққа,
Махаббаттың теңізін тасыттық па?
Бір бағытта тұрған соң желкеніміз,
Кедергісін тигізбес қашықтықта.

Кілтін тауып, жүректің құлпын ашып,
Күннен күнге барамыз бауыр басып.
Сендегі жалын шарпып жан дүниеме,
Өшпес сезім отымен болдым ғашық.

Махаббаттың айласын жан біліп пе?
Есім кетіп айналдым әңгүдікке.
Серт беріп көңіліме енгеннен соң,
Мекендейсіз ендігі мәңгілікке!

---