Сайтта техникалық жөндеу жұмыстары жүргізілуде. Қате байқалса, назар аудармауыңызды сұраймыз.

Абдрахман Асылбек

Өзің айтшы ендеше

Бұл бетте «Өзің айтшы ендеше» атты Абдрахман Асылбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

05.08.2019
0
0
1933

Түн ұзақка жағылып,
Шырағданым сөнбесе,–
Саған арнап сарылып,
Жыр жазғаным ендеше.
Көкке қадап көзімді,
Ешбір ұйқым келмесе, –
Жалғыз ғана өзіңді
Ойлағаным ендеше.
Ісімді үнем орап қан,
Бір ой маза бермесе, –
Көкейімде қонақтап,
Сен тұрғаның ендеше.
Келер күнді аңсатып,
Тәтті қиял тербесе,–
Көңілімде таңша атып,
Сен тұрғаның ендеше.
Дүниені, өзімді
Ұмытамын сен десе, –
Не дейін бұл сезімді,
Өзің айтшы ендеше?

Абдрахман Асылбек сезім өзің айтшы ендеше Абдрахман Асылбек өлеңдері

Пікірлер (0)

Пікір қалдырыңыз

Жиі қойылатын сұрақтар