Өлең, жыр, ақындар

Сен болмасаң, кім болам?

  • 05.08.2019
  • 0
  • 0
  • 2182
Күлімдесең – күн болам,
Тұнжырасаң – түн болам.
Сен жоқ жерде, сүйіктім,
Мазам кетіп мұңданам.
Жадырасаң – жаз болам,
Жас балаша мәз болам.
Бойды бір күш билейді
Алаулаған, маздаған.
Қаһарлансаң – қар болам,
Тарылады бар ғалам.
Сенің жылы жүзіңді
Бір көруге зар болам.
Жүз танытсаң сыздаған,
Қатып қалған мұз болам.
Сонда-дағы өзіңді
Өзгелерден қызғанам.
Сен болмасаң, кім болам?
Жүнжимін де жүн болам.
Ақыл-есті жия алмай,
Аласұрам, жынданам.
Кей ісің жат тым маған,
Түтігем де тұлданам.
Айналып кеп бәрібір,
Арқандаулы құл болам.



Пікірлер (0)

Пікір қалдырыңыз

Ұстазым

  • 0
  • 1

Аялаған анашымдай мұғалімім,
Тұнып аққан мөлдір бастау бұлағыңмын.
«Бұлақ көрсең, көзін ашқын» деген халқым дана,
Ақылыңды айтқан тыңдай берем әр күн жаңа.

Толық

Қаздар

  • 0
  • 0

Ұп-ұзын бір шыбықпен
Базарға айдап шықты Мұжық Қаздарды.
Шынын айтсам, жазған бұл
Сықпыртты-ай кеп жүнін жұлып түбіттей.

Толық

Көлеңке мен адам

  • 0
  • 0

Ұстаймын деп болды әуре Көлеңкені бір Есер:
Қашып берді Көлеңке, қуып еді ол ілесе,
Көлеңке де жүгірді, жүгіргенде ол тіресе.
Қосқанда Есер екпінді, ол да зырлай жөнеді,

Толық