Өлең, жыр, ақындар

Жаңа жыл – наурыз

  • 06.08.2019
  • 0
  • 0
  • 7171
Мерекеміз Наурыз –
Халық күткен бақ-ырыс.
Адамдардың аңсары,
Бір-біріне сағыныш.
Кетіп қыстың ызғары,
Жібіп тоң мен мұз-қары,
Жарқырайды күмістей
Таудың асқақ шыңдары.
Күн менен түн теңеліп,
Жердің жүзі көгеріп,
Сылдырайды бұлақтар,
Шаттық үнге кенеліп.
Күлімсірей күн шығып,
Тал-дараққа бүр шығып,
Кіріседі тірлікке,
Жан-жануар құлшынып.
Өткен өмір – өткен жыр,
Оралмасқа кеткен бір.
Әз Наурыз – Жаңа жыл,
Көптен күткен көктем бұл.
Әз Наурыз – көктем бұл,
Сағыныш боп жеткен жыл.
Төгіп мейір көктен нұр,
Жер бетіне еккен гүл.
Кәрі-құртаң қош күліп,
Жас буынға ес кіріп,
Жарып шығып жаңалық,
Ығысады ескілік.
Көңілдегі алты айғы
Өкпе-наздар тарқайды.
Бетке алып Алтайды,
Қыран құстар самғайды.
Атқан таңмен ағарып,
Жеткен Наурыз – жаңалық.
Адамдарға ақыл-ой,
Дарқан мінез, даналық.
Халық күткен бақ-ырыс –
Жаса, жаса Наурыз.
Аласармай тауымыз,
Гүлдей берсін бағымыз.



Пікірлер (0)

Пікір қалдырыңыз

Ағайындар

  • 0
  • 0

Атыңнан айналайын,
Аңсамас қайда ағайын?
Сағынып бара қалсаң,
Айран да, май да дайын.

Толық

Емен мен шілік

  • 0
  • 0

Шілікпенен тілдесті Емен кезі кеп:
«Шындығында Тәңірге жөн налуың, –
Деді ол, – саған Торғай да ауыр сезілер,
Самалға да белгілі елпең қағуың

Толық

Малшы мен теңіз

  • 0
  • 0

Малшы тұрды мекен етіп жағаны,
Өзіне сай шағын еді лашығы.
Аздаған мал – бар байлығы, асылы,
Соны жайлап бағады.

Толық

Қарап көріңіз