Өлең, жыр, ақындар

Түлкібұлаң

  • 10.08.2019
  • 0
  • 0
  • 1706
Сатушы Түлкі болды,
Алушы жұрты болды.
Жасырған сөре астында
Көл-көсір мүлкі болды.
Қоян кеп сәбіз сұрады,
Маймыл кеп сағыз сұрады.
Түлкі айтты:
– Түспей тұр-ау,
Болуы парыз, шырағым.
Елік кеп шай сұрады,
Борсық кеп май сұрады.
Түлкі екең:
– Түспей тұр, – деп,
Құлағын қайшылады.
Қабан кеп нан сұрады,
Аю кеп бал сұрады.
Қомағай Қасқыр келіп,
Жая мен жал сұрады.
Түлкі тым ерке болды
Жауабы келте болды:
– Еш нәрсе түспей тұр, – деп,
Сөйледі серпе қолды.
Дүкеннің тесігінен,
Бірде артқы есігінен
Зытыртып жатты бәрін
Өзінің шешімімен.
Арттырып Арыстанды,
Қарқ қылды таныстарды.
Бірақ та, бұл құрметтен
Басқалар алыс қалды.



Пікірлер (0)

Пікір қалдырыңыз

Көкте күннен нәр алған

  • 0
  • 3

Көкте күннен нәр алған,
Көпке нұр боп таралған.
Елбасымыз халқының
Бағы үшін жаралған.

Толық

Жұлдыз

  • 0
  • 0

Қараңғыны қақ жарып,
Ақса жұлдыз – ақ жарық,
Көзін тігіп аспанға,
Дейтін әжем тап сонда:

Толық

Жақындаған ақырзаман

  • 0
  • 0

Айтыпты бір ақылды адам:
«Жер астынан кеніш түгел
Шыққан кезде жер үстіне,
Болады, – деп, – ақырзаман».

Толық

Қарап көріңіз