Өлең, жыр, ақындар

Мен кіммін?

  • 21.08.2019
  • 0
  • 0
  • 2911
Арамдарға мен араммын,
Сараңдарға мен сараңмын.
Жамандарға мен жаманмын,
Өйткені, мен де
Жер басып жүрген адаммын.
(К.АЙТОЛҚЫН. Бозбала мен бойжеткен. 49-бет)
Жақсыларға жақсымын,
Бақсыларға бақсымын,
Тапшыларға тапшымын
Өйткені, мен де
Адаммын ғой, тап шыным.
Ғалымдарға ғалыммын,
Дарындарға дарынмын,
Залымдарға залыммын.
Өйткені, мен де
Біреуіңмін бәріңнің.
Тектілерге тектімін,
Ептілерге ептімін,
Кектілерге кектімін.
Өйткені, менің
Өздеріңсіз жоқ күнім.
Батырларға батырмын,
Жақындарға жақынмын,
Пақырларға пақырмын.
Өйткені, мен бір
Жыры жұмбақ ақынмын.



Пікірлер (0)

Пікір қалдырыңыз

Толғанай

  • 0
  • 0

Әлди де әлди, Толғанай,
Әлдидің мұңды болғаны-ай.
Желегін жаңа жайғаңда,
Гүлімнің ерте солғаны-ай.

Толық

Тарақандар

  • 0
  • 0

Түн ішінде қараңғы
Тарақандар жосылып,
Бастары бір қосылып,
Жамандады адамды:

Толық

Өсекші мен жылан

  • 0
  • 0

Жындар мүлдем білмейді деп шындықты,
Бостан-босқа айтып жүр ел сұмдықты,
Расында олай емес бұл тіпті:
Бір мысалды келтірейін, дәл ұққын,

Толық

Қарап көріңіз