Өлең, жыр, ақындар

Қыздың жасы – 18

  • 23.08.2019
  • 0
  • 0
  • 8466
Қыз деген – бір қызғалдақ,
Өркендеген өлкеміз.
Өскен гүл ғой бізге арнап,
Еркелеген еркеміз.
Қыз бар жерде қызық бар,
Ақындарға сенсеңіз.
Көзіңді бір сүзіп қал,
Шын ықылас бөлсеңіз.
Қыз дегенің – керемет,
Шалқар шабыт, көл-теңіз.
Жасын сұрап не керек?
Оның жасы – он сеніз.
Мейлі, орта жастағы
Бір аруды көрсеңіз,
Дегін: «Әуел бастағы
Оның жасы – он сегіз».
Қыз қырықтан асса да,
Түспесін еш еңсеңіз,
Баяғыдай жас сана,
Оның жасы – он сегіз.
Сол қыздардың басына
Кемелденіп келсе күз,
Мақта даңқын асыра,
Оның жасы – он сегіз.



Пікірлер (0)

Пікір қалдырыңыз

Сезіну

  • 0
  • 0

Кейбір сәт шулы топқа кезігемін,
Отырып ойсыздармен езілемін.
Санамды сауықтырар саңлау таппай,
Мен сонда жалғыздықты сезінемін.

Толық

Құдайды мойындамау – кәпірлік

  • 0
  • 0

Құдайды мойындамау – кәпірлік,
Парызын орындамау – күпірлік.
Мұсылман қауымы әлемде
Көбейіп келеді – шүкірлік.

Толық

Сен болмасаң

  • 0
  • 0

...Мүмкін еді
Менің жанар, жанбасым да.
Бақытқа душар болар, болмасым да.
Ақын боп туғаныммен,

Толық