ҚЫЗДАР ҒАЖАП (Сержант қыздарға....) – Орынбек Жумагазин

Тұрғанда дене суып, аяз қарып...
Бой түзеу әл келмей көңіл налып...
Сержант қыздар жанымызға жайғасты кеп...
Арай төгіп ай жүзі шуақтанып....
Қалдым бір сәт бойыма қуат алып...

Жарқын жүздер жаныма сәуле төгіп...
Барасыңдар санамды еліктіріп...
Сарбазға қиын соқты бұл қыздардың...
Тұрғаны әсем ән боп, жаздай күліп...

Қыздар-ай, қылығыңмен баурадыңдар...
Есім кетті әсерін сезбей ызғар...
Бойыма қан жүгіріп шырайланып...
Кеудеге сыймай жүрек дүрсіл қағар...

Мұз жүректі еріткен жанарларың...
Жаныңа жақындауға құмарландым...
Сарбазды қажытады бір құштарлық...
Тоқсан бесі қыз болып жүз арманның...

Әттең ай, сендер сержант, мен сарбазбын...
Өлеңге төгем солай жүрек назын...
Әйел деген әдемілік нышаны деп...
Мұқағали жолымен жыр арнадым...

Жанымызда жүре бер шабыт сыйлап...
Буындырып сезімді, жанды қинап...
Құштарлықты арттырған мына өмірге...
ҚЫЗДАР бақыт тұрағы.... ҚЫЗДАР ғажап....