Студенттік күнделігімнің алғашқы беттері – Gulzinat1107

Бастайын мен күнделіктің беттерін,
Бойымдағы талантымды қолдай кеп.
Қызық өмір ізін салып жеткенін,
Жыр етейін достарыма жолдай кеп.

Көгершіндей қанат қақтым мектептен,
Алматыға қондым келіп ай бұрын.
Мен бұл жаққа келгенім жоқ тектен-тек,
Өткіземін төрт жылымның барлығын.

Болмаса егер осы кезең көңілді,
Бізді мұнда білім нұры тоспас ед.
Сағындым деп студенттік өмірді,
Төреғали өз әніне қоспас ед.

Жаңа орта, жаңа қала, жас талап,
Жылу шашты күлім қағып жүректен.
Әсерім де әлдегіден басқарақ,
Сөздерімді жеткізейін жүрекпен.

Қызық өмір өтіп жатыр қап-қазір,
Көрінгенмен адамдарға жан тыныш.
Студенттің әрбірінде дәл қазір,
Жүрген шығар елге деген сағыныш.

Мені мұнда арман келді жетелеп,
Бағыт сілтеп өмірімнің сан қыры.
Достарымның саны артты еселеп,
Білімді де жақсы жандар барлығы.

Тұруы үшін атың сенің жаңғырып,
Керегі бар білім жолда озудың.
Мақтан етем өмірімде мәңгілік
Студенті болғаныма ҚазҰУ-дың!