Ақиығы Алаштың – Ерсұлтан Кәрібай

Символындай сезім менен сұлулық,
Нұр жүзінен төгілген бар жылылық.
Сәкен аға – ақиығы Алаштың,
Бір бойына дарығандай ұлылық.
Сұлу жаны өріп талай дүние,
Табиғаттың енген әсем күйіне.
Сырға толы «Анаға хат» жолдауы,
Тебірентер көзіңе жас үйіре.
Ақын жаны әділдікті қалаған,
«Жаңашылдық» тура жол деп санаған.
«Қырғыз» емес, біз – «қазақ» деп өз ұлтын
Намыс буып мойындатқан дара адам.
Жалынды аға, өршіл аға, қағылез,
Сізден алар үлгіміз тек ер мінез!
Келсін мейлі, дүниеге сан өжет,
Бірақ, аға,
Өзіңе ешкім тең келмес!