Арысыма

Құлатып асау өмір ағысына
Көндіреді тағдыр қызыл-сарысына
Осынау арпалыстың ортасындa
Жар бола гөр Жаратқаным Арысыма

Көнеміз ғой, бұл өмірдің тағысына
Жүгірді елім, жалпақтап сағы сына
Өзің пана, өзің қорған бола ғөрші
Тәңірім алыстағы Арысыма

Жалаң аяқ жүгірген балаларын
Көз жастарын көлдеткен аналарын
Сақтай ғөрші Тәңірім Арыстағы
Аталарын, қазақтың ағаларын

Сақтай ғөрші балаларды адасқан
Қандастарды өмір үшін таласқан
Құдыретіңнен қуат алып ашылсын
Арыстағы қара түнек қара аспан

Бәрі бітіп, жәй тапсын қарақтарым
Жаңадан қайта алып парақтары
Арыстағы әр түйір қазағымды
Бір өзіңе тапсырдым Жаратқаным ！

---