Поэзия падишасы – Гүлнұр Жиенбаева

Қалам алып,түсірдім ақ параққа,
Арнаған өлеңімді Фаризаға,
Атыраудың дара ақыны,дана ақыны
Жырлап өткен әр кезде өз халқың да

Сарп етті өлең үшін бар ғұмырың,
Асқақтатып туған жерің,өз тұғырың ,
Махаббат,Отан-ана,туған жерге
Арнаған бойындағы бар асылың

Жан-тәніңмен түсініп,жаздың өлең ,
Не деген керемет еді,сондай көркем,
Танытып өлең күшін,өнер үшін
Шырқадың биіктесін деп үмітпенен

Жырладың сырға толы жанарыңды,
Сыр шертті мұңға толы қабағыңды,
Жырладың сиқыр-сезім,құдіретті
Тәңірім тасытқан тау-талабыңды

Поэзия падишасы-Фариза қыз,
Сізге ұқсап келеміз әрдайым біз,
Халқың үшін,жерің үшін аянбаған
Мәңгілік жүректесіз,есімдесіз