Жаздым өлең – Гүлжайна Байходжаева

Өмірдің алыс бағында,
Келген ем бақытты шағына
Қуаныш сыйлаумен өткерген,
Күндер көп қайғы бар қасында
Қиналмай уақытым өткенге
Күндерім алыс кеткенде
Алдағы болашақ уақытқа
Жетелеп бармайды бұл неге?
Терең ойлап міне жаздым өлең
Тым болмаса сұрайын деп көктен де мен
Қаншама ой ми ішінде сақталып,
Пайда келсе шығар мүмкін көктемнен...
Жаздым өлең өз-өзімді ақтарып
Жақсы менен жамандыған қақ жарып.
Бірде анау алыс арман шетінде,
Жүріп барат бақ қоржынын сарт қағып
Алай-дүлей дауыл тұрды басымда,
Кеткендігін сезген мүмкін басында
Жоғалтудан қорқатын қыз ішімде,
Жағалап жүр жүрек тұсын расында
"Сен" демейді "сіз" демейді бұйрықты,
Іздемейді іздесе де тыйыпты
Бар үмітін барлығы үшін тең ашып,
Тілейді үнсіз түн ортасы тынышын.