Тандыр нан – Махаббат Жарбосын

Жадымда, бала дəурен сəн құрғаны
Біз едік əжелердің балдырғаны
Тəтті кезден таңдайда дəмі қалған
Анамның жаңа үзілген тандыр наны.

Балауса шақ құл бұлғап барқыт белден
Бала едік ойынды артық көрген.
Қып-қызыл тандыр нан бар дастарханнан,
Маған əжем талай рет сарқыт берген.

Қиялмен армандарға сан ұшамыз
Нанды жесек əлбетте тауысамыз.
Сол нанды алып ойынға жүгіреміз,
Сол нанды жеп ұйқымен қауышамыз.

Дəмі аузымда, ескі күн жаңғырады
Біздің үйдің дəстүрі-ай, таң қылады
Анамның қызыл шырай жүзіндей боп-
Дастарханда күлімдеп нан тұрады.

Ауылдан болашаққа самғай ұштық.
Тағдырда сан түзеліп, сан қайыстық
О, менің туған жерге сағынышым -
Баяғы шоққа піскен нандай ыстық!

Махаббат Жарбосын