Біріңе қазақ – Қуандық Жолтай

Біріңе қазақ жау болма,
Дұшпаның алар алқымнан.
Бірлігің болса мызғымас,
Жаратқан өзі жар болған.

Ағайын, бауыр, туыспен,
Араздасып жат болма.
Бір туған аға, ініңмен,
Жанжалдасып дау қылма.

Біріңе қазақ демеу бол,
Біріңе-бірің медеу бол.
Жанашыр болып біріңе,
Сүрінген сәтте сүйеу бол.

Тіліңді тұнық ұмытпа,
Ғұрпыңды сақтап, ұлықта.
Қазақы болмыс, қалпыңды,
Бойыңнан мәңгі жоғалтпа.

Еңсеңді биік түсірме,
Рухыңды асқақ өшірме.
Намысың оттай лауласын,
Жалынын ыстық сөндірме.

Көк түркі арғы бабамнан,
Тамырым терең таралған.
Көшпенді елдің ұрпағы,
Ұлтымның қамын ойлайтын,
Мен дағы қазақ баласы.
Қазағым деп жүрегім,
Дүрсілдеп мәңгі соғады.