Азаттық жолы – dias7a

Тарихымнан мен тәуелсіздікке таластым
Тар жолмен жүріп тайғақта талай адастым
Еркіндік үшін еңіретіп мен елімді
Көкке жібердім алпауыттарын алаштың

Қайсарлық болып қап қара қою қанымда
Тойтарыс бердім жоңғар дейтін бір залымға
Бойымда менің рухы бар батыр бабамның
Ойымда елім, шерім бар жап-жас жанымда

Бабалар жанған жалынға жанды жылыттым
Дінімді бұзып, тілімді асқақ ұмыттым
Қасірет көріп жаны жаралы бөрідей
Мұңды жүзімді айға қаратып ұлыппын

Қайғы қасірет созылса-дағы жылға мың
Адалдық жолын арамдық жолға бұрмадым
Өлеңдер жазып өзімнің ғана тілімде
Атеист елде Құдайды ғана жырладым

Қараңғы түнек басып ап жарқын санамды
Бөрілік жаным аюға талай таланды
Қыршыннан қиып болашағы бар баламды
Қанмен суардым гүлге оранған алаңды

Қасқалдақ қаным қайғыға біраз шыдады
Бəйтеректерім кесіліп, тауым құлады
Азатты күндер, ғажапты күндер туса да
Азапты күндер есімде мəңгі тұрады

Талай жыл бойы қамалған қапас құлыпта
Тəуелсіздікті ұлықта, жастар ұлықта
Еңселі елдің еркін де есті ұрпағы
Егемендіктің қалай келгенін ұмытпа.