Сайын Назарбекұлы

Тыңда да сөзді сарала

Бұл бетте «Тыңда да сөзді сарала» атты Сайын Назарбекұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

20.03.2020
0
0
1242

Тыңда да сөзді сарала,
Кім айтты оған қарама.
Қазақтың кейбір мақалы
Сіңбейді толық санаңа.
…Мұраты қыздың кету ме?..
– Өмірден мұңсыз өтуге,
Әлемнің сәні ай, жұлдыз –
Созады қолын жетуге.
Әкеден ширек кем тусаң
Аз-тоз боп, халқым, кетер ең.
Жүз-жүз боп тарап кетпесең
Жем болмай жатқа өтер ең.
Жеті атаң атын білгенмен
Зердеңе болса бермеген –
Жүрерсің ылғи тырысып
Тоқтыдай жетім шөлдеген.
Қалауын тапса қар жанар…
Ондайға нанба, жанбайды.
Ары бар адам қаламас,
Арсыздар үміт жалғайды.
…Болатын бала жас болмас…
…Шайнап берген ас болмас…
Атаның асыл сөздері
Жетелер жолға жасты алғаш.
…Оң қолың ұрыс бастаса
Сол қолың болсын арашы…
…Қазақтың бейбіт болмысы,
Оған жоқ ешкім таласы.
Айтқан кім – әкім, дана ма
Бәрі бір сөзді сарала.
Жүрекке жылы, мөлдірін
Құйып ал, төкпей санаңа..

Сайын Назарбекұлы сөз өмір тыңда да сөзді сарала Сайын Назарбекұлы өлеңдері

Пікірлер (0)

Пікір қалдырыңыз

Жиі қойылатын сұрақтар