Өлең, жыр, ақындар

Дала жыры

  • 22.03.2020
  • 0
  • 0
  • 2072
Даланың жыр-әні,
Сыбдырлап құрағы.
Гүрілдеп өзені,
Сыңғырлап бұлағы,
Ән салып тұрады.
Қаңқылдап қаздары,
Қалықтап мәз бәрі.
Бұлбұлдың сайраған,
Төгілген сазды әні.
Оркестр секілді,
Күй тартқан жаздағы.
Ескен жел гуілі,
Араның дуылы.
Тыраулап тырналар,
Шегіртке шырылы.
Даланың әуені –
Тербетіп тұр үні.
Өрістен жамырар,
Әсем ән тағы бар.
Кісінеп тай-құлын,
Қозы-лақ маңырар.
Даламның әуені,
Осындай әні бар.
Тербеліп боз далам,
Бозторғай созған ән.
Бақасы барқылдап,
Боталар боздаған.
Даламның әуені –
Жан сырын қозғаған.

(балаларға арналған тақпақ)



Пікірлер (0)

Пікір қалдырыңыз

Ақ лақ

  • 0
  • 0

Адасып қалып ақ лақ,
Жылап жүрді маңырап.
Қыдырып сай, белесін,
Тыңдамады ол енесін.

Толық

Мектебім

  • 0
  • 0

Болам деп шәкірт ақылды,
Жаттадық өлең, нақылды.
Алғашқы қоңырау соғылып,
Мектепке күзде шақырды.

Толық

Туысқандық атаулар

  • 0
  • 0

Бабам салған ізге ерген,
Салт бұзылмас ізгі елден.
Құда болар мың жылдық,
Қыз алысып, қыз берген.

Толық