Ой, қарғам

Қарасу есік алды лай ма екен,
Көргеннен мені анам сұрай ма екен?
Қайысып қабырғасы тапқан анам,
Мені ойлап осы күні жылай ма екен?

Аспанда бір жұлдыз бар Шолпан қаққан,
Бетіне ақ айнаның күмбез жаққан.
Жат елге шырылдатып бергенінше,
Қиналып анам байғұс несін тапқан.

Ай қарақ суға салса, тоңбайды екен,
Айрылған анасынан оңбайды екен.
Бір ана онда да бар, мұнда да бар,
Сонда да сүт емгендей болмайды екен.

---