Өлең, жыр, ақындар

Сұлулықты сезіну немесе Ғабиден Мұстафинмен қарттық жайлы әңгіме

Нар көңілдің жастығы ма,
Әлде оянған арман ба,
Жүз жасаған Жамбыл ақын кешегі,
О, керемет, Грузияға барғанда,
"Бір сұлуға ғашық бопты" деседі.
- Міне, нағыз бүгінгінің батыры,
Қатал уақыт қарияны сала алмапты-ау төзіне.
Неткен қайсар сұлулық бұл, -
деп бір орыс ақыны
Жас алыпты көзіне.
Иә, қарттар бар арғымағы арманнан,
Жігерімен дүр сілкінткен даланы.
Сұлулықты сезінуден қалған жан
Бәрінен де қалады.
Жер бетінде жел өшірген із аз ба,
Жігерсіздің өрісі әркез тар болған.
Отызында кемпір болған қыз аз ба,
Жігіт аз ба отыз бесте шал болған?!
Кім жас,
Кім қарт,
Уақыт өзі іріктер,
Ер көбейсін ат қып мінер қиялды.
Қарттық - оттың азаюы,
оты азайған жігіттер
Қай кездеде коғам үшін зиянды.
Бақыттысың әр таң сайын көзіңді
Сұлулыққа суарудан қашпасаң.
Қартайдым деп алдай көрме өзіңді,
Қарттық жаспен өлшенбейді ешқашан.



Пікірлер (1)

Мұхтар Шаханов

Тақпағы

Пікір қалдырыңыз

Жаңғырық немесе Ақсақ Темір қалай басталды

  • 0
  • 8

Әр мұзбалақ өз әнін айта келер,
Айта білу ежелден байтақ өнер.
Тауға шығып ән салсаң
(О, керемет!)

Толық

Өзендер

  • 1
  • 9

Ән туады мұраттан,
Ой туады сұрақтан,
Небір үлкен өзендер басталады бұлақтан.
Бірақ соның барлығы жете алмайды теңізге

Толық

Ақ бантик

  • 0
  • 4

Балауса қыз едің бір кезде
Шашыңа ақ бантик байлаған.
Өзгеріп кетіпсің бұл күнде
Көркіңе көз тастап ойланам.

Толық

Қарап көріңіз