Бағзы қазақ – Абзал Бөкен

Бұл бетте «Бағзы қазақ» атты Абзал Бөкен жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 21.07.2020
  • 0
  • 0
  • 1255
Ағып жатқан арнадай
Азаны мен қазаны.
Ғайып болды, жалған-ай,
Бұрынғының қазағы.

Көшті қойшы,
Көшпеймін
Керек емес түйесі.
Кемігенін не істеймін
Кеңдігімнің киесі?!

Қайда қалды тау ішін
Жаңғырық қып бір өзі;
Самбырлаған дауысы,
Салдырлаған мінезі?!

Иен далада есінеп,
Иеленген жалғанды;
Есебі жоқ, есі жоқ,
Қайдан табам аңғалды?!

Жебей қаузап желіні,
Саумалына мәз осы;
Қайда айдай келіні,
Қайда «айғай» әжесі?!

Қайда –
Ұрыс-жанжалға
араша боп аз ісі –
қара қылды қақ жарған
қазиы мен қазысы?!

Түсіңде емес,
Көп кірне
Ішіңде ғой, мұны да ұқ.
Ұлтарақ боп кеткен бе,
Ұлтымдағы ұлылық?!

Азаймайтын арнадай
Азаны мен қазаны;
Байыз тапты-ау, жалған-ай,
Баяғының қазағы.

Тайғанадым, адастым,
Тайлағымды сеңге айдап –
Көшпен кеткен қазақты
Көшпей іздеп мен бейбақ.


Пікірлер (0)

Пікір қалдырыңыз

Жиі қойылатын сұрақтар

Бағзы қазақ өлеңінің авторы кім?

Абзал Бөкен — осы өлеңнің авторы.

Бағзы қазақ өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Бағзы қазақ өлеңі не туралы?

Бұл өлеңде Абзал Бөкен өз ойы мен сезімін көркем түрде жеткізеді.

Бағзы қазақ өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері