Алжасу – Абзал Бөкен

Бұл бетте «Алжасу» атты Абзал Бөкен жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 21.07.2020
  • 0
  • 0
  • 1306
/Кекесін/

Бапқа құлар заманда
Шатақ қуып алжастым.
Ақша қуар заманда
Атақ қуып алжастым.

Пайда қуар заманда
Бақыр қуып алжастым.
Айла қуар заманда
Ақыл қуып алжастым.

Нәрсіз қалар заманда
Суат қуып алжастым.
Арсыз болар заманда
Ұят буып алжастым.

«Мақұл» болар заманда
Батыр болып алжастым.
Әкім болар заманда
Ақын болып алжастым.

Іліп, түтер болғанда
Салтымды іздеп алжастым.
Құрып бітер болғанда
Халқымды іздеп алжастым.

Өрісті алар заманда
Азат қонып алжастым.
Орыс болар заманда
Қазақ болып алжастым.

Елдің болып қорғаны
Едірейсем хан бұққан.
Есім түзу болғаны
Өстіп «алжасқандықтан».


Пікірлер (0)

Пікір қалдырыңыз

Жиі қойылатын сұрақтар

Алжасу өлеңінің авторы кім?

Абзал Бөкен — осы өлеңнің авторы.

Алжасу өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Алжасу өлеңі не туралы?

Бұл өлеңде Абзал Бөкен өз ойы мен сезімін көркем түрде жеткізеді.

Алжасу өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері