Əлемді сызықтар билейді

Əлемді сызықтар билейді,
Билейді сызықпен нəзік құс.
Құс-қанат ғұмыр да күйрейді,
Олар да жылайды жазықсыз.

Дақ түскен жүректер дəмелі,
Дүние - дөңгелек, о, ғажап!
Табылмай құстың да жан емі,
Қанаты қайрылар ой қажап.

Ырғақтан тұрады бұл өмір,
Тоқтасаң, жүрек те тоқтайды.
Құстар да бермейді түр-өңін,
Олар да сыңарын жоқтайды.

Ұзақтау жасайды ұлар құс,
Ғұмыры биіктен басталып.
Бір құс бар ұшатын сыңарсыз,
Қауырсындарынан жас тамып.

---