Асылзат Арыстанбек

Уақыт деген ұғым бар да

Қазақша өлең мәтіні, өлең жолдары және толық нұсқасы.

27.07.2020
0
0
2345

Уақыт деген ұғым бар да,
Өзі жоқ.
Бақыт деген ұғым бар да,
Өзі жоқ.
Бір бақытты сезінуге уақыт бер,
Сөнбейінше,
Өлмейінше көзімде от!

Сезім деген ұғым бар да,
Өзі жоқ.
Төзім деген ұғым бар да,
Өзі жоқ.
Төзгім келді сезінуім үшін де,
Ол да кетті өзіменен өзі боп.

Шындық деген ұғым бар да,
Өзі жоқ.
Сұмдық деген ұғым бар да,
Көзі жоқ.
Шындық тапсам сұмдыққа да шыдар ем,
Кетеді екен адам тіпті мезі боп.

Азат деген ұғым бар да,
Өзі жоқ.
Қазақ деген ұлт бар да,
Өзі жоқ.
Қазақ деген азат елмін дегеннің,
Есі жоқ.

Асылзат Арыстанбек уақыт уақыт деген ұғым бар да Асылзат Арыстанбек өлеңдері

Пікірлер (0)

Пікір қалдырыңыз

Жиі қойылатын сұрақтар